國際賽期甲乙丙組無波睇，但地區聯賽就如常繼續。今個比賽週末係下半季既開始，時間過得真係好快。
岩岩呢個星期五我地夜晚要返到 Elversberg 主場，當我地係公路就快到 Elversberg 時，遠處已經見到山後有球場既射燈發出既光。我地趕頭趕命先趕到開波前一個鐘到達，當時已經有好多車泊哂係球場附近。當晚又凍又濕，夜晚睇波真係一個大考驗，原本唔諗住會有好多人去睇，最後竟然都有成千五人入場！
Category: SV Elversberg / 中文
莎蘭盃：FSV Jägersburg – SV Elversberg
呢個星期六原本 Elversberg 係無比賽既，但因為下週賽期重整，所以將原本星期三舉行既莎蘭盃十六強提前幾日進行。今次主隊 Jägersburg 位於 Homburg 市內，大家賽前一個鐘係 Elversberg 集合，齊人後就大家一齊渣車出發。
德國西南地區聯賽：FC Nöttingen – SV Elversberg
呢個位於山上面球場係100% 全企位，只係有幾張櫈仔係場邊比啲老人家坐下。個球場細得黎又唔可以話 up dup，但一個咁既小鎮仔有隊波上到第四級別聯賽都算係咁。佢地作客區既小食部原本貼住張紙話要熱飲就要行到球場另一面既小食部買，不過半場時我聞到熱紅酒 (Glühwein) 既氣味！！！！！即刻買左我今季第一杯既 Glühwein～～ 心情即刻大好！！
德國西南地區聯賽：SV Elversberg – SC Teutonia Watzenborn-Steinberg
今個星期六又返黎莎蘭睇波啦～未開波就知道當日又運行。當我地行緊去球場時，有一對夫妻問我地係問去睇波，我地話係，然後佢問我地買左飛未，我地話未買 （我地不嬲都係即場先買），佢地拎左兩張飛出黎話：「送比你地架，如果有人問起就話係機場既飛」，講完佢地就繼續向球場出發。
德國西南地區聯賽：FK Pirmasens – SV Elversberg
FKP 同 Elv 死敵 Homburg 係朋友，所以有幾位 Homburg 球迷都有去睇呢場波，仲掛埋旗係球場既另一面。FKP 無球迷組織，只係有幾條友整左枝旗，拎住個氣喇叭間唔中按下，除左有幾下叭叭聲，其餘時間都無打氣聲。
莎蘭盃：SG Saarlouis-Beaumarais – SV Elversberg
以往 Elv 對低組別球隊通常都係贏一兩球，但今季佢地對住啲魚腩隊完全唔同哂！呢啲盃賽頭幾圈對大家黎講似係借場波黎同朋友相聚吹下水多啲，大家都唔會話集中係場波度，呢日有八個入球助慶，仲要有靚波！
德國西南地區聯賽：SV Elversberg – 1. FC Saarbrücken
關閉重建左一年既 Block C1 終於係今場波重開～ Elv 每季主場對 FCS 都會爆滿，我地兩星期前就已經要買定飛，等到球會確定 C1 會係 15 號重開時，我地要拎返原本 C2 張飛去換張 C1。C1 先係真真正正屬於 Elv 球迷組織 Horda Fanatica 2006 既看台！
德國西南地區聯賽：FC Astoria Walldorf – SV Elversberg
Walldorf 其實係 Hoffenheim 三隊，佢地收購同培訓一班年輕球員，制造機會比班友上 Hoffenheim 二隊再上一隊。佢地個球場曾經係 Hoffenheim 幾年前踢低組別用既球場，名為 Dietmar-Hopp-Sportpark，我估你而家知兩隊波同個老闆有咩關係啦。
德國西南地區聯賽：SV Elversberg – VfR Wormatia Worms
又一個 Englische Woche，即係週中又有比賽啦，又要週中走返去 Elv 主場。不過今次唔同既係，我地平時係係 Block C2，呢晚我地要去 Block A2。
德國西南地區聯賽：VfB Stuttgart II – SV Elversberg
完場後，大家收返掛起左既旗同鼓，準備行返去上巴士走人。出左球場後見到有大約四十個著黑衫既人係巴士附近，心知不妙，即刻叫大家跑。果四十個人隨即向我地衝過黎，負責拎鼓既果個人拎個鼓扔向衝埋黎既人，個鼓跌左落地，就比班人搶走左。
莎蘭盃：SVGG Hangard – SV Elversberg
今日 Elv 作客現時踢緊第六級別聯賽 (Verbandsliga) 既 Hangard，呢條村離 Elv 大約十分鐘車程，賽前做過少少資料搜集，發現佢地入場人數紀錄係… 六百人！當我去到個球場就發現果度應該容納唔到第 601 個人。
德國西南地區聯賽：SV Elversberg – Kickers Offenbach
百忙之中留返比賽日乜都唔做要去睇波。呢日 Elv 主場對 FCO，客隊曾經有二十一年係德甲，總積分排二十九，仲贏過德國盃，之後因為球隊醜聞同財政問題等等令隊波一沉不起。今季又因為財政問題一開始被扣九分，但佢地開季到而家雖然只係輸左一場波，但都係排尾二。