德國西南地區聯賽 第二十二週 SV Elversberg - SV Waldhof Mannheim Waldstadion an der Kaiserlinde 賽果： 1:2 (0:0) 入場人數： 3.719 (約 400 作客球迷)
之前提過既 Saarland-Tag，原本以為我無份，點知原來我都有份。其實佢地無特別查身份證，可能佢地聽你係咪用當地語言溝通就分辨到你係咪莎蘭人。即係你係香港用普通話買飛，一聽就知你唔係香港人啦！
今場波既對手 Waldhof Manheim 係呢個聯賽其中一隊爭升班份子，上季同 Elversberg 一齊打入升班附加賽，可惜最後兩隊波都輸波未能升班。Waldhof 雖然近年都係係低組別聯賽打滾，但佢地主場平均入場人數都超過三千人，上季因為有望升班所以平均入場人數超過六千人。而當日佢地就有大約4-500 位作客球迷坐兩個鐘巴士到 Elversberg 支持球隊。
佢地架巴士開波前大約 20 分鐘先到，班球迷組織既人一到場就即刻掛上佢地既 Banner，睇住佢地掛左幾張好似 copy & paste 大 Banner 既一式一樣 banner 仔。估計佢地因為上季踢升班賽作客 Lotte 賽前燒 pyro 唔小心燒著左自己塊大 Banner，佢地怕同樣事情會發生，所以整定十幾廿張以妨萬一，燒左一張都唔怕。佢地掛完 Banner 後我地見到佢地準備一條橫跨整個作客球迷區既 choreo，等球員入場時佢地就舉起條 choreo 寫住 “15 Jahre Kromila” （佢地某一個組織既十五週年） ，下面有啲零碎既閃光彈閃左一陣就收起 choreo 開始打氣。
因為「莎蘭日」既關係，當晚雖然凍，但多左好多球迷入場！球會既青年軍小朋友都走黎企係球迷組織附近一齊打氣，佢地帶埋私家鼓想跟班大人一齊打氣，但睇黎佢地仲要練習多啲啦。
客隊成場波都踢緊逼，逼到 Elversberg 班球員無時間組織下攻勢就已經無左個波，成場波幾乎都無咩點埋門。入波都係靠禁區外一個自由球直接踢入。可惜唔夠兩分鐘後對面就追返和，對面好多球迷向天拋啤酒慶祝，我估班友完場後一定超臭。。完場前十分鐘左右佢地再入多球，最後 Elv 輸 1:2 完場。雖然失三分，但都仲企係榜首，同 Waldhof 只差四分（不過佢地踢少一場）。
賽前，半場休息同賽後都有好多人擁到小食亭買啤酒同 Lyoner，有好多人一次過買五六杯啤酒一路睇波一路隊，結果就係賽後好多醉酒佬囉。賽後啲人又係一次過買幾杯一路回家一路飲，德國人真係好愛啤酒！