呢日係 Mainz 史上第一次出戰歐洲小組賽，對手係有球迷文化既法甲球隊 St Etienne。諗住到時個球場會爆滿，點知最後勁多吉位。波飛其實都唔算貴，最平19歐一張「企位」 （Uefa 歐洲賽事只可以有坐位，平時既企位看台都安裝座椅，不過球迷都係照企），但另一個龍門後面都只係20歐一張，不過都係坐唔滿。

黎到睇德國盃其實有都啲葡萄，因為成個 Saarland 入面，只有 Saarlandpokal （州份盃賽）既冠軍先獲得德國盃參賽資格。上季決賽就係 Homburg 對 Elversberg，臨尾香飲恨。呢一日我地睇完地區聯賽 Elversberg vs 賀芬咸二隊，休息一陣就過隔離鎮睇呢場德國盃首圈。