國際賽休息左一個星期之後，我地跟 SVE 到 Gießen 作客。 Gießen 離法蘭克福大約一個鐘車程，係今季既升班馬。 球隊既立成年份係 2018 年 🙂

今季好似岩岩先開始，但原來已經黎到首輪最後一場波。SVE 最近狀態大勇，唔聲唔聲已經連贏六場波，近近追住榜首既 Saarbrücken。

超過一個月無去過莎蘭，等到今日對同州對手 FCS 點都要返黎撐下場。不過對手氣勢如虹，早兩日先係德國盃爆冷踢左科隆出局，再加上佢地今季只係輸過一場，係榜首領先排第二既我地 8 分。

星期五晚係 Mainz 睇完德甲，返到屋企唔夠 12 個鐘又要再出發去 Mainz 既舊球場睇地區聯賽。

睇賽果都知今場波無咩特別好講。

賽前報紙話 Homburg 今季好廢呀，SVE 實輕鬆贏波啦，即刻有種不祥預感。

成為城市人之後就預左無咁多時間可以返去莎蘭睇波；今次都係咁岩因為有事要返莎蘭先可以順便睇埋波。

今年莎蘭盃既戲碼同上年一樣，唔同既係兩隊都只有贏莎蘭盃為目標。前年我地要爭升班，上年佢地要爭升班，今年兩隊都無份升班。

今場係聯賽最後一場主場，對手係無咩特別既 Balingen….

13.04.19德國西南地區聯賽 第 週SV Elversberg – 1.FC SaarbrückenWaldstadion an der Kaiserlinde賽果：4:3 (4:3)入場人數：3413 （2000 名作客球迷）門票：6€更多相片 今場波…. 只可以用神奇黎形容。兩隊波黎到賽季呢個階段已經無野好爭，無人要搶分爭升班，無人要護級，火藥味都無乜。 呢兩星期我一直係度話萬里無雲，藍天下曬太陽好舒服。今日，佢竟然落雪！！！！仲要唔係淨係凌晨時候落，係由朝落雪落到 4 點左右。不過地面溫度都仲有 3－5 度，啲雪一落地就會即溶。但我唔明四月要係雪下睇波係想點！！唔知以為就快到聖誕，搞到大家都忍唔住一齊唱 Last Christmas. 上半場我想影幾張相，所以自己企係角落睇波。8 分鐘，客隊先得十二碼，佢地好開心咁慶祝。5 分鐘後，我地又有十二碼，輕鬆追和。然後我地一口氣再入多兩球，無啦啦反超前。 原本對方球迷既氣勢可以反客為主，但我地領先後，大家都開始更加落力打氣。唔出聲都會跟住一齊拍手。但正當我地以為可以食下花生時，對方又連追兩球。心諗咩料，半場未到就已經有六個入球。 但上半場唔只六球，完上半場我地再黎多一球，半場比數 4：3。 唔知係咪兩隊波都無壓力咁比賽，有波在腳就向前攻。隨左果兩球十二碼，4 個入球都係來自流暢既組織，由後場到入波都係三四腳波之內完成。 不論係我地既後防定人地既後防都只可以企係度睇。 去到下半場大家開始懶散咁踢，無上半場咁刺激。我地話下半場一係黎多 7 個入球，一係就悶到完場。最後就係無入球啦；但我地都好開心可以擊敗同州勁旅～ 不得不提既係早兩季由Continue reading