今日係五月十七日，我對上一次入球場係三月七號，即刻已經兩個星期無入過球場。三月尾我開始 home office，除左去過兩次 Saarland 之外都無離開過自己條村。 如果一切如常既話，到今個週末大大小小既聯賽都差唔多係最後一個比賽週。然後我地就會話唔想睇歐國盃，所以走去愛莎尼亞避暑。係呢個被肺炎破壞左既現實世界，德甲德乙無啦啦重開，有一堆 onon99 既新規例，最討厭既就係 Geisterspiel… 閉門作賽。 我有朋友尋日入左場去報賀芬咸果場波，我話咁樣既比賽免費播我都唔會睇囉。事實上， 餓左咁耐波而家無啦啦電視有波睇，我都係開左電視睇既。Sky 好好係免費既 Sky News 台免費直播 conference，平時 conference 都係要收錢既，佢會同時直播進行中既賽事，邊場緊湊啲或者有入球既話就會轉過去比大家睇。 睇左幾分鐘就覺得周身唔自在。錯哂，足球唔係咁架。而家睇緊友賽定集訓？無年輕既德國仔唱歌，背景聲只有回音，無正常既入球慶祝聲。 聽講正常既收費台佢地會播罐頭打氣聲，即係好似打 Fifa 咁，入波就按粒制播 YEAAAAHHHHHH；比賽期間會播平時球迷會唱既歌咁。務求做到最迫真既氣氛。。。 ok， 當你可以播罐頭打氣聲，咁啲空櫈呢？ 睇左唔夠十分鐘就熄電視走返去花園睇雀仔算。 我都好想足球可以繼續，但唔係咁樣夾硬黎。我朋友話 the business has to continue 喎。 一見到Continue reading