想去 Freiburg 睇波想左好耐，但佢地個球場好細好難買飛，一直都諗住實有機會既。講講下講到佢地新球場起好，仲宣布埋今季會係最後一季用 Dreisamstadion 黎踢德甲，我地就知無論如何都要今季去睇場波。好好彩比我地捕到可以星期六睇德甲，過一晚夜然後星期日睇 SVE 作客。

有咩開心得過放工？就係放工直接去睇波！！呢幾個星期有幾位韓國同事黎德國工幹，之前講過要一齊去睇波，上次佢地已經睇過法蘭克福，今次就放工去睇緬恩斯。

黎到保加利亞首都計劃要一連三日睇波，今日我地會去睇一隊比較大既球隊，唔係鄉下隊。由於場波係夜晚先開波，日頭我地有好多時間可以去做下遊客先。

為左要清假，十月請左幾日假可以去第二度睇波。睇機票睇左一段時間，最後決定去保加利亞既首都 Sofia 五日四夜，可以一口氣睇三場波！第一場黎到山上面睇一場無乜球迷既比賽。

一早計劃左今個星期要向東行去睇東北地區聯賽。 東北地區有唔少有號力既東德球隊。 今場波主客兩隊視對手為死敵，再加上各自既朋友助陣，仲有唔知球會同球迷之間既政治就知道今場波一定有好多野睇。