未開波已經知道另外幾隊競爭對手都失分，今場贏波就可以拉開三分繼續企係榜首。同時大家都有程不祥預感，呢啲情況通常自己隊波都要輸埋一份。。。
Tag: 德國足球
歐霸小組賽：1. FSV Mainz 05 – AS Saint-Étienne
呢日係 Mainz 史上第一次出戰歐洲小組賽，對手係有球迷文化既法甲球隊 St Etienne。諗住到時個球場會爆滿，點知最後勁多吉位。波飛其實都唔算貴，最平19歐一張「企位」 （Uefa 歐洲賽事只可以有坐位，平時既企位看台都安裝座椅，不過球迷都係照企），但另一個龍門後面都只係20歐一張，不過都係坐唔滿。
德國西南地區聯賽：KSV Hessen Kassel – SV Elversberg
今次跟 Elversberg 球迷作巴士作客 Kassel。 Elvserberg 位於德國西南部，Kassel 則位於中部，睇地圖既話其實納 Kassel 入西部地區聯賽仲近囉，但因為 Kassel 屬於 Hessen 州份，所以佢地都係「西南地區」。
德乙：VfB Stuttgart – 1. FC Heidenheim
老老實實， 客隊Heidenheim 雖然踢德乙，但我真係對呢個名無咩印象。今次㨂睇呢場波係因為呢場係打比戰，兩部波相隔車程只係一個鐘左右。正確黎講又唔可以叫打比，因為今場只係兩隊波有史以來第一次對賽，無咩瓜葛下無打比既火藥味。最後一個原因就係當日係史特加既123 週年！
德國地區聯賽：FC Homburg – SV Elversberg
Derbysieger! 今場係 Saarland 打比，兩個城市相隔只係二十分鐘車程。呢個球場得流動廁所，會否有點落後？？？主場既fan group 開波前廿分鐘先到場，同上場德國盃對史特加完全係兩個樣。
德國地區聯賽：SV Elversberg – 1.FC Kaiserslautern II
下午兩點開波，37 度，萬里無雲，無瓦遮頭。估唔到咁曬都仲有唔少人去 Block C 一齊打氣。好在呢度飲水喉水係可以飲落肚，先買杯野飲，之後就可以去廁所裝水。
德國盃首圈：FC Homburg – VfB Stuttgart
黎到睇德國盃其實有都啲葡萄，因為成個 Saarland 入面，只有 Saarlandpokal （州份盃賽）既冠軍先獲得德國盃參賽資格。上季決賽就係 Homburg 對 Elversberg，臨尾香飲恨。呢一日我地睇完地區聯賽 Elversberg vs 賀芬咸二隊，休息一陣就過隔離鎮睇呢場德國盃首圈。
季前熱身賽: FC Schalke 04 – Athletic Bilbao
一到德國第二日就已經要北上睇愛隊（兩隊我都支持 ._.v）。賽前有史浩克同樂日，球場外面有多個攤位比一家大細去玩，有睇免費影即影即有，有好多減價貨品，仲有唔同既球迷組織都有擺檔籌錢，當中包括全國數一數二出名既組織 Ultras Gelsenkirchen (UGE)，當然要即刻去科水買返條頸巾同貼紙支持下！