相隔一個月左右，我地再次飛到波羅的海。最主要原因當然係去睇波，加上波羅三國疫情自六月尾都開始穩定，確診數字極低，無限聚令又唔洗戴口罩，係歐洲黎講係係第一批回復正常既國家。

難得黎到愛莎尼亞，我地當然唔可以只睇一場波啦！

呢個 trip 本來係用黎避開歐國盃無聯賽睇，突登搵北歐附近地區去睇聯賽。年頭訂完香港就即刻訂埋去愛莎尼亞，最後香港去唔成，好擔心今次會好似香港咁最後要取消。

今個比賽週 SVE 要到星期一先有比賽，代表我地星期六日都好得閒～決定近近地去附近既城市睇地區聯賽。咁岩作客既係巴戈利亞地區難得有球迷組織跟隨既球隊，係時候要去見識下！

今個週末原本諗住睇兩場波，但尋日場熱身賽因為天氣關係取消左，好在仲有今日呢場。 如果今日都被取消既話我真係會喊，因為我期待左好耐要再睇 Magdeburg！ 對上一次睇佢地係佢地前季升班前，等到佢地升左上乙組後無機會見佢地，今次等到佢地有史以來第一次作客 Mannheim，算係去見證下歷史。

黎到新一年既第一場波，同過去兩年一樣都係去睇德甲開齋～ 今場既作客球隊同上年一樣係雲達不萊梅。上年去睇漢諾威，今年係杜塞爾多夫。 上季漢諾威最後降班，今季我諗杜塞爾多夫都應該係同一命運。。。

想去 Freiburg 睇波想左好耐，但佢地個球場好細好難買飛，一直都諗住實有機會既。講講下講到佢地新球場起好，仲宣布埋今季會係最後一季用 Dreisamstadion 黎踢德甲，我地就知無論如何都要今季去睇場波。好好彩比我地捕到可以星期六睇德甲，過一晚夜然後星期日睇 SVE 作客。

有咩開心得過放工？就係放工直接去睇波！！呢幾個星期有幾位韓國同事黎德國工幹，之前講過要一齊去睇波，上次佢地已經睇過法蘭克福，今次就放工去睇緬恩斯。