有留意球迷文化既話，Rapid 主場可以話係其中一個朝聖之地。 佢地每場比賽都會準備 Choreo 去為球隊打氣，係每場呀，不論週中定週末，總之你去睇佢地比賽就一定有野睇。 呢種創意同堅持，無其他球迷可以做到。 所以去得維也納就一定要去 Hütteldorf 睇返場波。

各大聯賽開波前，最令我地期待既就係歐霸外圍賽！歐洲足協抽籤簽宣布第一圈既賽程，我地見到盧森堡既其中一隊波會對格拉斯哥流浪呀！！！德國附近國家既聯賽既級別都比較高，即使佢地要踢外圍賽，講緊既都只係最尾果兩圈，盧森堡既聯賽水平較低，但總共有四隊可以參戰歐聯或歐霸外圍賽，對手都係其他國家既冠軍或亞軍！

抖暑話咁快就過左一個月，歐州賽事既外圍賽係六月尾抽籤後，我地最期待知道四枝盧森堡球隊既隊手，最後除左會有格拉斯哥流浪會訪盧之後，老實講，其他都無咩興趣。但始終餓波餓左成個月，有波睇無理由唔睇，最後㨂左去呢場 Fola Esch 對來自遠東歐既 Milsami Orhei。