我對呢隊波又愛又恨，係德國去食花生既比賽應該佢地係排第一位，最主要係佢地既球迷有氣氛既保證。

咁既戲碼我地一直以為只有係盃賽先會上演，無諗過而家係普通聯賽就可以遇到我地一直都好仰慕既 Dynamo Dresden。

作客 Zwickau 對 SVE 球迷黎講係一個唔想諗返起既惡夢。 係 2016 年曾經有機會進入升班附加賽再次挑戰升班，當時既對手就係來自東德既 Zwickau。

上星期係不是打比戰大勝後，今日我地又再返到莎蘭主場迎戰北部升班馬 Oldenburg。唔知點解有一種鬆一口氣既感覺，好似終於可以有一場普通波睇下咁。

04.02.2023 德國足球丙組聯賽 第 21 週 1.FC Saarbrücken – SV Elversberg Ludwigsparkstadion 賽果：0:4 (0:3) 入場人數： 15,154 （約 1700 名作客球迷） 門票： 12.5€ 更多相片 呢個戲碼一直都有好多人叫做莎蘭打比 Saarland-Derby ，而有啲 FCS 既球迷一直都好唔中意啲人咁叫，因為佢地只認另一隊莎蘭球隊（唔想提佢地個名），或者鄰州既凱莎羅頓先係佢地既宿敵。 而我地呢隊鄉下波無歷史又無球迷根本不值一提，完全唔配做佢地既打比戰對手。 由 SVE 既角落睇就當然係重頭戲啦，話哂 FCS 係莎蘭勁旅，可以係佢地身上搶到三分絕對係要大肆慶祝！ 雖然人地唔中意叫呢場波做打比戰，但又唔知點解好著緊呢場波，又話要比啲顏色我地睇等大家知道邊個先係莎蘭一哥。 我地當然好想贏波，但今場就算輸左我地都繼續企穩係榜首，所以大家都係以平常心既期待呢場波。 咁既然人地唔中意叫打比戰，咁我地只好叫佢做「鄰居對戰」～Continue reading

我地今年兩場波踢得麻麻地，上場唔係搏到兩個十二碼都未必贏到，黎到呢場波我地隨時會比對方報返開季之仇。

過左兩個月，我地終於返到黎主場出戰首循環最後一場賽事，對手係剛由乙組降班落黎既 Ingolstadt。

2022 年我地有一個完美既總結，成為有史以來德丙最佳既升班馬。等左兩個月終於再次開波去作客其中一隊主要競爭對手 Wiesbaden。 2022 年保持作客不敗既 SVE，黎到 Wiesbaden 應該唔會太難應付？

年呢個時候我地對升班無咩特別希望，當時係地區聯賽排第四表現不過不失。 完全無諗過幾個月後我地成為冠軍升班，去到而家以九分領先德丙…. 由一開始覺得只係負碌去到而家被大家睇好會直接升班，一切都仲係好唔真實。