到底呢一季幾時先會完…… 有時真係覺得點解要浪費錢同時間？但我地去睇波又唔係只係為左球隊贏波，而係希望一直陪住佢地，但佢地可唔可以生性啲…… 起碼比團火黎睇下好唔好。。

今場波對方只係某隊波既二隊，完全無果種好想去睇波既衝動。我地等到差唔多開波先到球場，望住對面空空如也既作客球迷區，心諗 今場波應該得返幾百人入場。

呢場波對我地黎講亦都十分之重要，雖然對方被其他球隊視為魚腩，但對我地黎講係護級對手，所以輸波既話真係肯定今季條路唔會易行。

國際賽賽週期間，德國既頭三級聯賽都會暫停比賽一週，好多時候地區聯賽以下既比賽都會繼續有比賽，所以我地唔洗受無波睇既痛苦～

好野，又輸一場波！對方入波時真係忍唔住拍手，讚美一下我地報陣十分成功既領隊。

一兩個球員屎波犯錯好易睇得出，但唔通我地真係成隊波都咁廢？

呢篇似遊記多過比賽既後記：賽前我地黎個莎蘭半日遊先再去睇波。球證吹雞一刻，全場球迷如釋重負咁振臂高呼，呢三分我地等左一個月有多啦，呢三分真係好好好好重要。