對上一次入 Kaiserlinde 睇波原來都已經係半年前既事；中間有睇過幾場作客但估唔到原來已經咁耐無回過家。

場波係榜首既 Mainz 二隊迎戰排第二既 Elversberg，係對爭升班好重要既一場波。 賽前我地踢少一場落後四分，無論如何點都要搶到分返黎拉近距離。

住左係法蘭克福郊外三年，終於撞岩時間可以係我地既「地區主場」度睇 SVE 作客。 如果唔係武肺我地應該會善用月票搭車去球場，不過而家都係揸車去球場好。

雖然武肺呢排係德國狂爆，但都無阻大家聚埋一齊去睇波。 其實我都唔知點解會完全唔驚，平時返工我都唔係好想坐太近任何人，搭車返工又會驚旁邊既人有毒。 但去到球場就會即刻忘記危險，同大家有咁近企咁近！

兩星期第一次跟隊波作客 Aalen 見到隊波踢得好好， 大家都好開心。 但緊接兩場波就離奇失分，今場波我地都唔敢有太大期望，覺得一定輸一球飲恨，一係就大炒。

老實講，今場波我完全唔知有咩好寫。