咁就黎到 2016 年最後一場波啦，過埋今場波地區聯賽就正式歇冬。星期日我地十二點到 Elversberg，然後再去 Kaiserlautern。由 Elversberg 去 Kaiserslautern 既車程只需半個鐘左右，好多球迷見咁近都報名搭球迷巴士跟球隊一齊作客，球隊最後要租兩架兩架專線巴士，即係淨係搭巴士既球迷已經有近百人！
Tag: 地區聯賽
德國西南地區聯賽：TSG Hoffenheim II – SV Elversberg
今場波作客德甲球隊賀芬咸既二隊 （U23)，比賽場地係一隊以前既基地，而家成為青訓基地並以班主之名命名為 Dietmar-Hopp-Stadion。賀芬咸一隊既主場而家位於隔離大鎮 Sinsheim。
德國西南地區聯賽：SV Elversberg – SV Waldhof Mannheim
之前提過既 Saarland-Tag，原本以為我無份，點知原來我都有份。其實佢地無特別查身份證，可能佢地聽你係咪用當地語言溝通就分辨到你係咪莎蘭人。即係你係香港用普通話買飛，一聽就知你唔係香港人啦！
德國西南地區聯賽：SV Stuttgarter Kickers – SV Elversberg
星期六 Elversberg 要作客到史特加對 Stuttgarter Kickers，有部份球迷應該都有聽過呢隊波，佢地今季由丙組降班到地區聯賽。今季三隊來自史特加既大球會都降班，但佢地既票價不減反增囉。
德國西南地區聯賽：SV Elversberg – SV Eintracht Trier
國際賽期甲乙丙組無波睇，但地區聯賽就如常繼續。今個比賽週末係下半季既開始，時間過得真係好快。
岩岩呢個星期五我地夜晚要返到 Elversberg 主場，當我地係公路就快到 Elversberg 時，遠處已經見到山後有球場既射燈發出既光。我地趕頭趕命先趕到開波前一個鐘到達，當時已經有好多車泊哂係球場附近。當晚又凍又濕，夜晚睇波真係一個大考驗，原本唔諗住會有好多人去睇，最後竟然都有成千五人入場！
德國西部地區聯賽：Rot-Weiß Oberhausen – RW Essen
住係德國西面既波友真係好幸福，係 NRW 呢個州入面有好多好多隊足球隊，每個城市小鎮相差只係十幾廿分鐘車程，大球會又多，小球會又多，日日都可以有波睇。不過 NRW 真係好多人呀，架火車一經過 Bonn，Köln, Düsseldorf 呢幾個站成架火車即刻爆滿，我地呢啲同綿羊做鄰居既鄉下人突然覺得好唔慣。
德國西南地區聯賽：FC Nöttingen – SV Elversberg
呢個位於山上面球場係100% 全企位，只係有幾張櫈仔係場邊比啲老人家坐下。個球場細得黎又唔可以話 up dup，但一個咁既小鎮仔有隊波上到第四級別聯賽都算係咁。佢地作客區既小食部原本貼住張紙話要熱飲就要行到球場另一面既小食部買，不過半場時我聞到熱紅酒 (Glühwein) 既氣味！！！！！即刻買左我今季第一杯既 Glühwein～～ 心情即刻大好！！
德國西南地區聯賽：SV Elversberg – SC Teutonia Watzenborn-Steinberg
今個星期六又返黎莎蘭睇波啦～未開波就知道當日又運行。當我地行緊去球場時，有一對夫妻問我地係問去睇波，我地話係，然後佢問我地買左飛未，我地話未買 （我地不嬲都係即場先買），佢地拎左兩張飛出黎話：「送比你地架，如果有人問起就話係機場既飛」，講完佢地就繼續向球場出發。
德國西南地區聯賽：FK Pirmasens – SV Elversberg
FKP 同 Elv 死敵 Homburg 係朋友，所以有幾位 Homburg 球迷都有去睇呢場波，仲掛埋旗係球場既另一面。FKP 無球迷組織，只係有幾條友整左枝旗，拎住個氣喇叭間唔中按下，除左有幾下叭叭聲，其餘時間都無打氣聲。
莎蘭盃：SG Saarlouis-Beaumarais – SV Elversberg
以往 Elv 對低組別球隊通常都係贏一兩球，但今季佢地對住啲魚腩隊完全唔同哂！呢啲盃賽頭幾圈對大家黎講似係借場波黎同朋友相聚吹下水多啲，大家都唔會話集中係場波度，呢日有八個入球助慶，仲要有靚波！