等左八個月，我終於返黎 Kaiserlinde 啦。今場波係第 25 週既補賽，早兩星期因為大雪所以要延期，延期即係變成週中比賽。雖然（好似）話冬天已經完結，春天已經黎緊，日頭既你氣溫回升到最少有七度，同上星期對比既 -10 真係暖返好多，但係太陽一落山就得返兩三度，即係仍然要受盡冬天既折磨去睇呢場波。
Tag: 地區聯賽
德國地區聯賽：TSG Hoffenheim II – SV Elversberg
其實去睇二隊既比賽真係好無癮，一來個場一定唔會係靚場，二來唔會有人入場睇。呢場波計埋我地大約 60 個作客球迷先得果 200 人！
德國地區聯賽：Kickers Offenbach – SV Elversberg
今場波由原定星期六上演被改至星期日，撞正沙蘭各大城市既巡遊慶祝節目，原本諗住應該好多人會為左去玩而唔去睇波，點知最後球迷巴士竟然滿座！
德國地區聯賽：1.FC Saarbrücken – SV Elversberg
今日既對手 FC Saarbrücken 今季暫時只係輸左一場波，係積分榜榜首遙遙領先，證明佢地季前花一大筆錢簽入球員增強自己既實力既決定係無錢既。
德國地區聯賽：SV Waldhof Mannheim – SV Elversberg
一開季就黎連續兩場硬仗，上場對 Saarbrücken 都仲頂得住，今場對 Waldhof Mannheim 真係完全被技術性擊倒。
德國地區聯賽：SV Elversberg – 1.FC Saarbrücken
星期六開季後，時隔三日 Elversberg 要再返到主場提出迎戰 FC Saarbrücken；呢場賽事原本係第三週先踢，但因為該週末 Saarbrücken 要出戰足總盃對德乙既柏林聯，所以賽會就將原定第三週既賽事改期提早舉行。
德國升班附加賽：SV Elversberg – SpVgg Unterhaching
首回合既三日後，我地返到 Elversberg 主場迎戰 Unterhaching。上場波我地作客慘敗三粒，大家心中唔多唔少都知道升班已經無望，但好多球迷仍然心懷希望，係球隊最後一次操練時去為球員打氣，話比球員知球迷會一直支持佢地。要淨勝四粒姐，之前又唔係無試過～
德國升班附加賽：SpVgg Unterhaching – SV Elversberg
講左差唔成個月，終於黎到全季最重要既一場賽事，升班附加賽首回合。當年 Elversberg 就係係慕尼黑成功史上第一次升上德丙，今次如大家所願抽中拜仁地區聯賽冠軍球隊，大家都認為係一個好兆頭。
