11.09.2021
德國西南地區聯賽 第六週
SV Elversberg - KSV Hessen Kassel
Waldstadion an der Kaiserlinde
賽果: 0:0
入場人數: 1.125 (約 20 名作客球迷)
門票： 8€ （企位）
更多相片

老實講，今場波我完全唔知有咩好寫。

呢兩日開似有啲想落雨既感覺，係法蘭克福出發時天陰陰咁又得 20 度左右，去到莎蘭開始見到藍天出太陽，心情越黎越好。 同時好期待又再一次去主場睇波。 對上一次已經係一個月前既德國足總盃。

作客球隊帶左大約 20 位球迷一齊黎，但大部份無入場寧願係場外間唔中打下氣。主要係因為莎蘭要求球迷要填表同埋有 3G 證明先可以入場，好多球迷組織會照跟球隊去作客但唔入場以示抗議。主場球迷今場除左開波唱左一陣歌，之後都無咩出過聲。

呢場波唔悶架，好多唔入肉既組織，玩短傳，比人撞一撞就失波，兩面鬥廢咁狂loop。 上半場完時我地： what a shit game. 下半場完全無改善過，好似唔洗入波都可以有三分咁個個勁淡定完全唔洗攻上去架喎。 下半場完時我地問：到底睇左啲咩？ 好以浪費左我人生兩個鐘咁，好似去美心比十蚊買左個包但咬落去得空氣。

完場後大家都勁頽，無等到球員過黎就收哂旗走哂。 暫時黎講對今季完全無期望，可以又係後來又機會但又爭兩三分先贏到冠軍，然後望返轉頭就係頭果幾分鐘失分搞成咁。 唔抵可憐。