德國西南地區聯賽 第五週 SV Eintracht Trier - KSV Hessen Kassel Moselstadion 賽果: 3:1 (1:0) 入場人數： 4.032 (30 作客球迷) 26.08.2016
呢場波官方宣佈「入場人數」有 4032 人，但望落都唔知有無 2000 人囉。話說 Trier 以套票方式去賣早前係德國盃對多蒙特既波飛，一買就要買三場主場（多蒙特加之後兩場聯賽）。今場波係對多蒙特後第一場主場聯賽，上場波就當然滿座，今場我估有唔少人係因為買左套票所以先睇埋。我地去到門口諗住買飛時，有人送左張飛比我地，咁就慳左六歐。
當日氣溫超過 30 度，熱到大銀幕都開唔到，比賽中途仲有飲水時間（以為香港先有）。主場既 Ultras 成場波都係太陽底下吶喊，熱到咁出哂汗都仲搭哂膊頭咁跳黎跳去。呢啲咁嘔心既事真係得男人先做得出。
作客球隊 Kassel 既球迷要坐起碼四個鐘車先到呢個球場。場波係星期五夜晚七點開波，即係佢地最遲兩點就要出發，但都有大約二十至三十個球迷在場。雖然上半場佢地一啲聲氣都無，下半場鼓手突然出現 （我估佢因為塞車遲到），即刻有返啲聲。