德國盃第一圈 
FC Homburg - VfB Stuttgart
Waldstadion Homburg
賽果: 0:3 (0:0)
入場人數: 10.800

黎到睇德國盃其實有都啲葡萄，因為成個 Saarland 入面，只有 Saarlandpokal （州份盃賽）既冠軍先獲得德國盃參賽資格。上季決賽就係 Homburg 對 Elversberg，臨尾香飲恨。

呢一日我地睇完地區聯賽 Elversberg vs 賀芬咸二隊，休息一陣就過隔離鎮睇呢場德國盃首圈。我地個位可以睇到主場球迷同作客球迷區，作客球迷區震撼過主場區好多。作客區滿到有人企係樹林入面睇免費波！

大家就係當日係綠白色既主場區入面有塊黎自賀芬咸球迷組織既旗，就係果日開始，兩隊既球迷成立左好朋友，亦都成為大家既笑話。開波前主場球迷整左個 choreo，之後場波唔再關佢地事。

完半場前無耐，客區傳出「卜」一聲，然後出現紅色既光！果陣已經覺得好靚！半場休息完結前，客區掛上 Avanti Ultras 既大旗，球迷頭上亦有一塊紅白旗。身旁幾位即刻話，「get your camera ready」，因為大家知道會有好野睇。出現既唔只係普通既紅光 pyro，而係彩虹！！！！以為咁就完？之後佢地仲係咁開 pyro。我估佢地頭尾點左起碼三十枝 pyro！好在呢個球場無蓋，如果唔係啲煙會焗哂係球場入面，隨時連球場都見唔到！

點 pyro 既球迷如果比警察認到既話，有機會會被罰 Stadionverbot，即係會被禁止進入球場。我識一個人試過被罰一年 Stadionverbot。呢一年內佢唔可以去任何德國職業聯賽既賽事，比賽日佢唔可以離開德國。當年佢想睇佢隊波，只可以渣車去隣近國家再搭飛機去睇佢隊波係歐洲賽既作客賽事 ，果然係忠實球迷呀！

關於場波其實無咩好講，睇相最實際！