一月尾北上，二月頭南下，今次係向東走～ 亦都咁岩係：北上去睇德甲；南下去睇德乙；今次？就係去睇德丙… 真係順住咁落！

無論點都好，都一定要抽時間出黎睇波，因為係球場時先可以令我地放空，比兩個鐘頭時間自己去享受自己最愛既娛樂。

上次好似講過話唔想再去科隆，點知講講下又走左去科隆睇波！ 早兩個星期我地已經睇中左呢個週末 SVE 星期五晚比賽後，星期六日可以去邊都得，見到去完科隆可以去比利時睇季後賽，咁岩又有朋友想一齊去睇。

係佢地開始打氣後真係大部份時間都唔記得左睇波，一路望住作客區睇佢地打氣。 呢一份團結力量唔係可以係好多隊波可以搵到。好多人都認同佢地係德國現時最有質素、最賣力既球迷。