07.02.2026
德國足球乙組聯賽 第 21 週
SV Elversberg - Hertha BSC
Waldstadion an der Kaiserlinde
賽果：0:3 (0:1)
入場人數：9291 (1480 名作客球迷)
門票：季票

唔好講笑，今季真係係咁出現可預料既爆冷。呢場波賽前有柏林球迷話佢地未試過黎作客贏波，所以唔會抱任何希望。 我就即刻想喊出黎，因為我已經知今場波會發生咩事。平時網上年見到好多人都話唔想黎牛屎地方作客，但我地認識既真作客球迷都會話好中意黎作客，因為係季內其中少有無壓力既旅程！（但唔知佢地沿路會唔會遇到其他人～）

今個星期啲同事個個都病病地，我地都開始作病完全無咩心情去睇波。但要快啲好返既其中一個方法就係出去吸下新鮮空氣，失失地聲都堅持要去睇波。 今日雖然暖返少少，但個天仲係多雲陰天，完全提起唔到精神。

上季開始我地既主場波都會播對方既會歌，今日係我都好中意既 Nur nach Hause，但唔知點解會lwmtmbc播到尾。通常播到一半我地既球員就會早出黎然後開始播返自己既 Playlist。首歌長到可能對面啲人都係第一次聽哂全首歌，第二段都未必識唱。聽完又再次被洗腦… ._.

開波後藍天同太陽慢慢出現，上半場我地有多次埋門機會，都係差埋門一腳。 Mokwa 係德乙冬季轉會窗最貴收購，但我覺得貨不對辦！！！不過我地每季總有一段時間就算空龍都可以射失，如果我地可以改善到呢個問題既話歐聯都唔會只係夢。賽後睇其他賽事精華時真係唔明點解人地入波咁輕鬆，個波勁聽話咁喺幾隻腳中間穿過飛入網。個波好似自動導行咁自己會搵 Dzeko 等佢企定定起腳個波就入咗，點解呢啲事唔再發生喺我地身上？？

上半場比柏林借角球入波領先，諗住個太陽出黎會幫我地既球員招魂，點知個太陽係為咗柏林而出現。 睇住靚靚公主 Reese chur 到勁盡咁追波突破我地條防線再交個靚波射入第二球，第三球就喺門前一片混亂比對方搵到個波靚抽入網。

失到第三球之後，Block C 反而更加集中打氣！ 新一年既主場波個個都無心打氣咁，而家明知輸波個個反意唔洗再擔心賽果，做啲野好玩既野仲好。 最尾個大分鐘中間班後生仔好熱血咁亂跳大叫帶起咗個氣氛。 完全後等到班球員黎到既時候，大家比贏波時唱得更加大聲，同佢地講 scheiss egal – 輸波咪輸波囉，我地下場作客贏返返黎！