10.08.2025
德國足球乙組聯賽 第 2 週
VfL Bochum - SV Elversberg
Ruhrstadion

今季由德甲降班落黎既有一隊係新對手，來自北威州魯爾區既波琴！ 賽前我地賣出咗接近一千張波飛，好多人都好期待今季可以去一個新球場睇波。

我地就已經去過兩次，對今場波唔算特別興奮；只係好期待又再可以咁多人一齊去作客。 加上波琴球場好細同好矮，可以幫我地既打氣聲有幫助！ 今場波係星期日上演，早一日我地去咗荷蘭睇燕豪芬開 League 戰總共有七個入球。今日一早由酒店出發去波琴只需個半鐘車程，大約十一點半就到達球場旁邊既停車場泊低架車。

行到去球場門口見到自己友同班警察爭執緊，詳細內容唔多講，最後其中一人被罰唔可以入場，最後我地決定一齊唔入場以示對班狗既不合理執法不滿。（BTW 無用既小知識，德國球迷通常叫佢地做牛，唔係狗）德國球迷圈成日都有因為同警察、保安或者其他相關人士有衝突而最後被拒絕入場，呢啲新聞我地睇就睇得多，今次終於發身喺自己身上。

有時都唔明啲狗諗乜，好地地塞哂我地入球場咪好，而家我地喺場外佢地無權可以阻止我地去行街，只可以好似狗仔咁跟住我地後面，等我地喺 kiosk 買野飲買雪糕、同我地一齊遊公園同同我地去 Starlight Express 門口觀光。 我地個個夏天 look 短衫短褲，有啲仲已經半身赤裸咁享受太陽，而呢班盡責既警員全副武裝好密實好安全咁同我地一齊行～～但佢地又好醒咁，每次我地停低時會即刻搵到陰涼地方避開個太陽！

本來決定咗今季我地唔會季中去旅行，會去哂主客所有比賽黎個人生第一個 golden season， 多謝班狗喺今季第二場波就完咗 ⋯^ ^