22.10.2022
德國足球丙組聯賽 第 13 週
SV Elversberg - VfL Osnabrück
Waldstadion an der Kaiserlinde
賽果：4:1 (2:0)
入場人數：3517 (365 名作客球迷）
門票：10€
更多相片

盃賽出局後唔夠幾日又再返到黎主場，今日黎作客既係來自西部既 Osnabrück。 呢隊波無咩輝煌既成就，一直都係乙組丙組打滾，但佢地有一班忠心既球迷長期跟住隊波。

今日佢地都帶左近五百人南下到莎蘭作客，仲準備左簡單既 choreo，用幾枝門棋砌字 Unruhestifter – 簡譯就係 troublemaker，然後看台上既球迷就 fing 紫色同白色既氣球，底下有人放出紫煙。 上次去睇佢地作客佢地都放左紫煙，今日又有好 show 睇 ^^

盃賽輸左比波琴之後大家都好似無放係心上，好快就將目標放返係聯賽。 只可惜今場波有兩個電視台都有免費直播，好自然啲人就會寧願安坐家中食住花生睇波。 無論點都好，對比起以前得一千人左右入場，而家咁樣一場「普通賽事」 都有過三千人入場真心係一大進步～～

今日既對手早兩年降班落丙組，今季輸左幾場波就搵左小豬既阿哥 Tobias 黎接手都係搞唔掂，球隊繼續係中下游徘徊。 我地亦都唔會同佢地客氣，開波後唔夠五分鐘，我地就借對方係中場誤傳就即刻突擊入波。 當時班作客球迷搞完 choreo 仲係度換緊裝，旗下仲有第二批紫煙放出黎。 唔知係本來 plan 好左呢個時候放煙，定係見我地咁快入波就自暴自棄？

咁早入到波代表班球員都無被週中場波影響到， 保持到我地今季既水準，完全㩒住對手黎攻，逼到大豬係三十分鐘就已經換人變陣。 如果唔係對方個龍上身擋哂啲射門我地應該上半場可以領先到 4－5 球。 完上半場前我地既神射手 Schnellbacher 射入第二球～ 佢既把握力真心超班！

下半場客隊搵到機會係 63 分鐘追返一球，嚇我地唔到既～ 五分鐘之後一個反擊球王 Koffi 帶波入禁區起腳又被救出，但係個波落係 Rochelt 腳下結果只有一個： 入波！ 呢個今季加盟既球員無論係助攻定射門都超有貢獻！！！～～ 完場前大約十分鐘，VfL 有球員兩黃一紅要離場，同時大豬都食紅牌比球證趕出場。

同時我地來自不萊梅既借將 Woltemade 又搵到機會送個波比岩岩上場無耐既 Suero Fernandez 射入第四球埋齋。 球證都即刻吹完場！ 我地繼續企係德丙榜首～ 班作客球迷輸波好嬲，賽後撞開左道閘想衝落球場，班保安反應夠快成功阻止。 後來佢地係看台同班球員傾左好耐，講真雖然知道自己隊波表演麻麻，但邊會有人想山長水遠黎到睇隊波輸？

德丙旅程去到而家仍然令人難以置信，有人好樂觀咁話下年我地會出戰德乙，有人就好保守咁同上季既 Viktoria Berlin 相比，佢地上季係升班上德丙一開季都有好好成績但最後都係要做升降機。 其他球迷就話唔想見到我地呢隊無球迷既鄉下隊升班，