09.11.2019
德國西南地區聯賽 第 17 週
FC Bayern Alzenau - SV Elversberg 
Sportzentrum am Prischoß
賽果： 1:2 (0:1)
入場人數： 635 (約 70 名作客球迷)
門票：8€ （企位）
更多相片

今季好似岩岩先開始，但原來已經黎到首輪最後一場波。SVE 最近狀態大勇，唔聲唔聲已經連贏六場波，近近追住榜首既 Saarbrücken。

今日我地黎到巴伐利亞地區作客。無錯，巴伐利亞係有佢地自己既地區聯賽，但 Alzenau 位於 Bavaria 同 Hessen 兩州邊境，係西南地區出賽隨時仲方便過去自己州內。

由屋企出發到 Alzenau 只需 20 分鐘車程，係正球場門口就有停車場可以泊車。巴伐利亞州既代表顏色係藍白色，呢隊波如果你淨係睇上半部分其實同拜仁慕尼黑既會章有九成相似。

球場只有一個入口，無分主客，無安檢。入到場內有一個所謂既作客區，但其實無任何分隔，啲主場球迷都可以自出自入。最正既係我地個小看台超近球場，好似睇緊超低組別聯賽咁可以隨時行落球場～～～ 對面係主場台，佢地既座位看台上面啲灰色櫈係來自安聯球場，淨係望落去都覺得高級啲。

對手係今季既升班馬，但近況都唔算太差。賽前係積分榜排第五，同 SVE 相差 11 分。 我地絕對唔可以輕敵，亦好好彩隊波都仲踢得出水準，上半場領先一球。下半場大家好似未回神咁，比主隊追和一球。 比人入波我地先醒返開始造多啲攻勢，最好射入第二球贏三分。

下星期地區聯賽會借國際賽週末休息一個週末～ 然後就會作客另一隊升班馬。