27.04.2018
德國西南地區聯賽 第 36 週
SV Elversberg - VfR Wormatia Worms
Stadion an der Kaiserlinde
賽果：3:1 (1:0)
入場人數： 612 人 （約 70 名作客球迷）
更多相片

七日內第三場波，七日內去左三次 Elversberg，淨係油錢都蝕哂。今日好多驚奇事發生，首先係一起身就發現南北韓破冰成為朋友；然後幾十年無出過新歌既 ABBA 今日話會推出兩首新歌；仲有就係 SVE 終於贏波啦！！！！！

每場波賽前都係收到一個電子 fanbag，入面有人估賽果，估中左就有機會贏到下一場主場既免費波飛。我通常都係亂咁入 2:0, 3:1 之類，總之係咪都估 SVE 贏。今場波我相信和波命運估 1:1，點知佢地就贏波。

同上場波一樣，我地開波前半個鐘到球場，同朋友傾下計等開波。作客球迷都係差唔多時間到球迷，好耐無見過作客區有球迷啦！ 佢地係欄杆前掛起橫額，然後就叫下 Heja-Heja-VfR 同埋自己隊波咁。 今日好多小朋友走左過黎同我地一齊企，可惜大家仍然無咩心機想唱歌打氣，只係間唔中唱一兩首。

球場上見到 SVE 明顯比之前多左攻勢，同埋無咁容易交失波，上半場先射入一球領先，大家都話仲叫緊糊 （和波）。 下半場客隊好似無意欲想追返球護級咁，SVE 好輕鬆咁射入多兩球，係去到最後被客隊破蛋。 Worms 輸波後就只係同直接降班區有三分之差…

而我地唔會升班又唔會降班， 一心就只係諗住下個月尾既莎蘭盃決賽。