莎蘭盃 三十二強 SG Saarlouis-Beaumarais - SV Elversberg Sportplatz Saarlouis Saint-Nazaire 賽果: 0:8 (0:4) 入場人數: 400 (100 Gäste)
星期三我地去到 Saarlouis 睇 Saarlandpokal （莎蘭盃）SG Saarlouis-Beaumarais 對 Elversberg。我地一早就要渣車經山路到 Saarlouis。呢個城市以法國王帝路易十四命名，所以最尾個 S 音係唔讀出聲：「莎路易」，唔係「莎路易士」。市內既建築都好有法國味。
Saarlouis 無咩比旅客去參觀既地方，但有好多法國同德國人都會去呢個城市…. 為既就係 Ikea 啦！我地當日都一早去左買啲傢俬，係果度食完肉丸就去 Saarbrücken 行街。
天氣報告話 Saarlouis 夜晚九點會開始落雨，但六點半已經開始落雨，我地係車度避雨避到最後一刻先行去球場。Beaumarais 呢隊波現時係第七級別聯賽既球隊，個球場正確黎講只係一個運動場 sports ground，唔係一個 Stadium，無一個正式既入口。去到門口既時候，無人叫我地買飛，又無人查飛，我地就直接行入去了。（但其實係要買飛入場），行到球場另一面無耐，比賽就開始了。我地企果面塊地生哂雜草，比賽期間仲要有一隻同倉鼠咁上下大小既老鼠仔走黎走去，個個即刻走去睇老鼠。
以往 Elv 對低組別球隊通常都係贏一兩球，但今季佢地對住啲魚腩隊完全唔同哂！呢啲盃賽頭幾圈對大家黎講似係借場波黎同朋友相聚吹下水多啲，大家都唔會話集中係場波度，呢日有八個入球助慶，仲要有靚波！
一完場大家就即刻行落場直線離開，同啲球員同時離開球場。完場時差唔多九點，原本落下停下既雨就無再停過，好在我地架車泊左係正球場隔離，好快可以上車暖返自己。