莎蘭盃第四圈（Saarlandpokal) SVGG Hangard - SV Elversberg Ferraro-Sportpark Hangard 賽果: 0:10 (0:7) 入場人數: ca. 400
今日 Elv 作客現時踢緊第六級別聯賽 (Verbandsliga) 既 Hangard，呢條村離 Elv 大約十分鐘車程，賽前做過少少資料搜集，發現佢地入場人數紀錄係… 六百人！當我去到個球場就發現果度應該容納唔到第 601 個人。
球迷同球員入場時用既入口係同一個入口，行去企位果條通道真係大份啲都行唔到，部分通道仲只係用條膠帶隔開球場。小賣部買野飲係直接比玻璃樽你，即刻諗起平時偷帶啤酒拎住酒樽睇香港波！我地企用磚砌既後備席後面。 今場可以話無打氣聲，通常盃賽頭幾圈佢地都唔會特別準備啲咩去打氣，但成場波大家都好開心，因為總共入左 10 球波！主隊可以話一啲攻勢都無，好似睇緊 Elv 表演賽咁。個球場啲射燈同街燈無咩分別，有一半仲要比樹葉遮左，有啲仲熄埋，未試過咁浪漫睇波。
現場無公佈入場人數，但我估有 3-400 人左右。好在睇左呢場波先去睇史浩克，如果調返轉既話果種落差感應該會令人好失望！而家就收捨心情準備明天出發去叫 RB Salburg 食屎啦！！！！