德國西南地區聯賽 第十一週
SV Elversberg - Kickers Offenbach
Waldstadion an der Kaiserlinde
賽果: 0:0 (0:0)
入場人數: 1.978

百忙之中留返比賽日乜都唔做要去睇波。呢日 Elv 主場對 FCO，客隊曾經有二十一年係德甲，總積分排二十九，仲贏過德國盃，之後因為球隊醜聞同財政問題等等令隊波一沉不起。今季又因為財政問題一開始被扣九分，但佢地開季到而家雖然只係輸左一場波，但都係排尾二。如果加埋呢九分，佢地只經會係頭四。

Offenbach 位於法蘭克福郊區，不過佢地唔會認當地係法蘭克福既一份子。上季去過佢地主場，對佢地呢個城市無咩好感，但佢地主場入場人數都唔錯。佢地去 Elv 大約要兩個鐘車程。當地見到有四架巴士，有好多作客球迷黎到 Elv 主場，仲好大聲！！佢地成功係人地主場度做到兩個看台互嗌（唔明做乜要比兩個看台佢地囉，又唔係滿左）。

更多圖片

呢場波無咩好講，氣氛麻麻，球員踢得又差，可能週中比賽完，呢日好似行路都無力咁，波又唔追，係度行行企企。反而客隊啲球員下下緊迫，你慢半秒就已經有人黎拍走個波。

話說上場主場有人 dum 火機，搞到場波差啲被腰斬。球會睇返閉路電視搵到 dum 火機果個人，然後判左佢三年 Stadionverbot，三年唔可以入球場！