德國西南地區聯賽 第八周 KSV Hessen Kassel - SV Elversberg Auestadion 賽果: 1:1 (0:0) 入場人數: 1.579 (50 Gäste)
今次跟 Elversberg 球迷作巴士作客 Kassel。 Elvserberg 位於德國西南部，Kassel 則位於中部，睇地圖既話其實納 Kassel 入西部地區聯賽仲近囉，但因為 Kassel 屬於 Hessen 州份，所以佢地都係「西南地區」。作客球迷巴士朝早七點半要開車，自己渣車既話四個幾鐘就可以到，不過巴士係高速公路 (德國最出名無時速限制既Autobahn) 有限速 100kmh，同埋 d Autobahn 成日都整路同埋有機會會預上塞車，所以要預多啲時間。點知！道路十分暢通，完全無塞車，時間多到我地自己要求係公路休息耐啲食飽先去球場。
當日又係陽光普照，今次太陽係我地後面全場曬住我地。入場後無耐見到有班生面孔既人黎左作客球迷區，佢地話係 Elversberg 新加盟既球員 Kapllani 既球迷會，名為 Kapllani United，仲整哂 banner 同頸巾，仲有貼紙，唱哂歌咁支持 Kapllani 😂 一開始我聽到佢地講有班支持一個球員既人黎左，我以為係一班痴女，點知係一班後生仔好認真咁支持佢。今次係佢地係 K 由 FSV Frankfurt 轉會後第一次去睇佢比賽。開波後 KU 既人都幫客隊球迷一齊 fing 旗打氣。 Elversberg 作客 Kassel 既往績並唔理想，大家都無咩期望。下半場客隊竟然領先！可惜最後一分鐘後防係禁區犯錯，球證判主隊12碼，最後1：1 和波收場。
氣氛黎講無咩特別，主場都唔係特別多球迷，佢地仲要播埋啲罐頭掌聲。客隊區就有50人左右，兩面都唔係特別大聲，有唔少時間變大圖書館。完場後知道 Mannheim 輸波後大家心情都好返啲，因為 E 係積分榜以得失球領先排榜首！